Sit entènèt sa bay bon jan enfòmasyon sou komin Delma, tankou: limit kotel komanse ak fini, enfòmasyon sou enpo lokatif ak zafè tè ak kay, aktivite sosyal ak kiltirèl, yon lis biwo leta ak biznis prive ki enstale nan komin nan, epi ak pwojè komin nan genyen pou li develope. Sit sa bay tou sèvis anliy, sa vle di sèvis a pati de telefòn ou, oubyen òdinatè ou ki konekte sou entènèt: ou ka kreye kont pa ou sou platfòm nan, ranpli fòmilè an kreyol ou byen an fransè, peye kek sèvis sou telefòn oubyen òdinatè ou, epi poze nenpòt ki kesyon sou zafè komin lan, sou zafè kazèk ak azèk lajounen tankou lannwit 7 jou sou 7.
Meri a vinn pi modèn pou li ka sèvi w pi byen. Ke nenpòt kote ou ye, nap tojou tou pre ou gras ak telefòn ou ou byen òdinatè ou ki gen entènèt. Sèlman Kreye kont ou pou w ka konekte pou jwen sèvis.
Delma se yon komin nan peyi Ayiti ki chita nan depatman Lwès, li fè pati metwopòl Pòtoprens. Se youn nan komin ki pi vizite nan peyi a epi li ap modènize toujou pou li ka ofri pi bon sèvis pou moun ki rete la ak vizitè li yo.
Nan Delma, se youn sipòte lòt.
Nou konstwi ak repare wout.
Nou vle kenbe vil la pwòp.
Nou renmen komin nou ak kilti nou.
